ಬಳ್ಳಾರಿಯ ಅಭಿವೃದ್ಧಿಗಾಗಿ ಭರತ್ ರೆಡ್ಡಿಯನ್ನ ಬೆಂಬಲಿಸಿ:- ಮುಂಡ್ರಿಗಿ ನಾಗರಾಜ್

ಬಳ್ಳಾರಿ:(ಜಾಗೃತಿ ಕಿರಣ ನ್ಯೂಸ್) ಕಳೆದ ಬಿಜೆಪಿ ಶಾಸಕರ ಅಧಿಕಾರಾವಧಿಯಲ್ಲಿ ಬಳ್ಳಾರಿ ಎಷ್ಟರ ಮಟ್ಟಿಗೆ ಅಭಿವೃದ್ಧಿಯಾಗಿದೆ ಎಂಬುವುದು ತಮಗೆಲ್ಲ ಗೊತ್ತೆ ಇದೆ. ಬಿಜೆಪಿಯವರು ಬರೀ ಸುಳ್ಳು ಭರವಸೆಗಳನ್ನ ಕೊಟ್ಟು ಜನರಿಗೆ ದಾರಿ ತಪ್ಪಿಸುವ ಕೆಲಸ ಮಾಡ್ತಿದ್ದಾರೆ. ಅವುಗಳನ್ನ ನಂಬದೇ ಬಳ್ಳಾರಿಯ ಸಮಗ್ರ ಅಭಿವೃದ್ಧಿಗಾಗಿ ನಾರಾ ಭರತ್ ರೆಡ್ಡಿಯನ್ನ ಬೆಂಬಲಿಸಿ ಎಂದು ಕಾಂಗ್ರೆಸ್ ಮುಖಂಡ ಮುಂಡ್ರಿಗಿ ನಾಗರಾಜ್ ಹೇಳಿದ್ದಾರೆ.

ಅವರು ಪಾಲಿಕೆ ವ್ಯಾಪ್ತಿಯ ಮುಂಡರಗಿ ಗ್ರಾಮದಲ್ಲಿ ನಗರ ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ನಾರಾ ಭರತ್ ರೆಡ್ಡಿ ಅವರ ಪರ ಚುನಾವಣಾ ಪ್ರಚಾರದ ಕಾರ್ಯಕ್ರಮದಲ್ಲಿ ಭಾಗಿಯಾಗಿ ಮಾತನಾಡಿದರು.

ಕೋಮುವಾದಿ ಬಿಜೆಪಿ ಸರಕಾರಕ್ಕೆ ಬೆಂಬಲಿಸದೇ ಕಾಂಗ್ರೆಸ್ ಬೆಂಬಲಿಸಿ ಜಾತಿ ರಾಜಕಾರಣ ಮಾಡುವ ಬಿಜೆಪಿ ಸರಕಾರವನ್ನ ಕಿತ್ತೆಸೆಯಿರಿ ಎಂದು ಹೇಳಿದ ಅವರು, ಜಾತಿ ರಾಜಕಾರಣ ಮಾಡಿದ್ದು ಬಿಟ್ಟರೆ ಅಭಿವೃದ್ಧಿ ಏನೂ ಮಾಡಿಲ್ಲ ಎಂದರು. ಬಳ್ಳಾರಿ ನಗರಕ್ಕೆ 3300 ಕೋಟಿ ತಂದಿದ್ದೇನೆ ಎಂದು ಹೇಳುವ ಶಾಸಕ ಆ ಹಣ ಎಲ್ಲಿ ಹೋಯಿತು ಅಭಿವೃದ್ಧಿ ಎಲ್ಲಿ ಮಾಡಿದ್ದೀರಿ ತೋರಿಸಿ ಎಂದು ಸವಲಾಕಿದರು. ನಗರದಲ್ಲಿ ಸಂಪೂರ್ಣವಾಗಿ ರಸ್ತೆ ಹಾಳಾಗಿವೆ, ಒಳಚರಂಡಿ ಸಮಸ್ಯೆ ಇನ್ನು ಸಮಸ್ಯೆಯಾಗಿಯೇ ಉಳಿದಿದೆ. ಬೇಸಿಗೆ ಬಂದರೆ ಈಗಲೂ ವಾರಕ್ಕೊಮ್ಮೆ ನೀರು ಬರುತ್ತೆ ಹೀಗೆ ಜನರಿಗೆ ಕನಿಷ್ಟ ಮೂಲಭೂತ ಸೌಲಭ್ಯಗಳನ್ನ ಒದಗಿಸಲಾಗದ ಈ ಬಿಜೆಪಿ ಸರಕಾರ ಬೇಕಾ ಎಂದು ಪ್ರಶ್ನಿಸಿದ ಅವರು ಈ ಸಾರಿ ಕಾಂಗ್ರೆಸ್ ಬೆಂಬಲಿಸಿದರೆ ಭರತ್ ರೆಡ್ಡಿಯವರ ಮೊದಲ ಅದ್ಯತೆ ಜನರಿಗೆ ಕನಿಷ್ಟ ಮೂಲಭೂತ ಸೌಲಭ್ಯಗಳನ್ನ ಒದಗಿಸುವ ಕೆಲಸ ಮೊದಲು ಮಾಡುತ್ತಾರೆ. ಹಾಗಾಗಿ ಸುಂದರ ಸ್ವಚ್ಛ ಬಳ್ಳಾರಿಗಾಗಿ ನಗರದ ಅಭಿವೃದ್ಧಿಗಾಗಿ ನೀವೆಲ್ಲ ಕಾಂಗ್ರೆಸ್ ಗೆ ಮತ ನೀಡಿ ಭರತ್ ರೆಡ್ಡಿಗೆ ಆಶೀರ್ವಾದಿಸಿ ಪ್ರಚಂಡ ಬಹುಮತದಿಂದ ಆರಿಸಬೇಕಿದೆ ಎಂದು ಮತದಾರರಲ್ಲಿ ಬಳ್ಳಾರಿ ಗ್ರಾಮಾಂತರ ಜಿಲ್ಲಾ ಕಾಂಗ್ರೆಸ್ ಪ್ರಚಾರ ಸಮಿತಿಯ ಅಧ್ಯಕ್ಷರಾದ ಮುಂಡ್ರಿಗಿ ನಾಗರಾಜ್ ರವರು ಮನವಿ ಮಾಡಿದರು.

ಈ ಸಂಧರ್ಭದಲ್ಲಿ ಅಲ್ಲಂ ಪ್ರಶಾಂತ್, ಪಾಲಿಕೆಯ ಸದಸ್ಯರಾದ ರಾಜಶೇಖರ್ ಹಾಗೂ ಸ್ಥಳೀಯ ಮುಖಂಡರು ಉಪಸ್ಥಿತರಿದ್ದರು.