ಎಲ್ಲಾ ಸಮುದಾಯಗಳ ಸರ್ವಾಂಗೀಣ ಅಭಿವೃದ್ಧಿಗಾಗಿ ಭರತ್ ರೆಡ್ಡಿಯನ್ನ ಬೆಂಬಲಿಸಿ :- ನಾರಾ ಪ್ರತಾಪ್ ರೆಡ್ಡಿ

ಬಳ್ಳಾರಿ:(ಜಾಗೃತಿ ಕಿರಣ ನ್ಯೂಸ್) ಎಲ್ಲಾ ಸಮುದಾಯಗಳ ಸರ್ವಾಂಗೀಣ ಸರ್ವೋತೊಮುಖ ಅಭಿವೃದ್ಧಿಗಾಗಿ ನಗರದ ಜನರಿಗೆ ಮೂಲಭೂತ ಸೌಕರ್ಯ ಗಳು ಸಿಗಬೇಕಾದರೆ ಈ ಬಾರಿ ನಾರಾ ಭರತ್ ರೆಡ್ಡಿಗೆ ಬೆಂಬಲಿಸಿ ಎಂದು ಕಾಂಗ್ರೆಸ್ ಮುಖಂಡ ನಾರಾ ಪ್ರತಾಪ್ ರೆಡ್ಡಿ ಹೇಳಿದ್ದಾರೆ.

ಅವರು ನಗರದ ತಾಳೂರ್ ರಸ್ತೆ, ರೇಣುಕಾ ನಗರ, ಕಾಲುವೆ ಸುತ್ತಲಿನ ಪ್ರದೇಶದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ನಾರಾ ಭರತ್ ರೆಡ್ಡಿ ಪರ ಬಿರುಸಿನ ಪ್ರಚಾರ ಕೈಗೊಂಡು ಮಾತನಾಡಿದರು.

ಜನ ನೆಮ್ಮದಿಯ ಬದುಕು ನಡೆಸಲು ಕಾಂಗ್ರೆಸ್ ಅಧಿಕಾರಕ್ಕೆ ಬರಬೇಕು, ಬಿಜೆಪಿಯ ದುರಾಡಳಿತದಿಂದ ಜನರ ಬದುಕು ಸಂಕಷ್ಟದಲ್ಲಿದೆ. ಅಗತ್ಯ ವಸ್ತುಗಳ ಬೆಲೆಯನ್ನ ಬಿಜೆಪಿಯ ಡಬಲ್ ಇಂಜಿನ್ ಸರಕಾರಗಳು ಜಾಸ್ತಿ ಮಾಡಿವೆ. ಇದರಿಂದ ಬಡಜನರಿಗೆ ಬದುಕು ಕಷ್ಟಕರವಾಗಿದೆ. ಹಾಗಾಗಿ ಈ ಬಾರಿ ಕಾಂಗ್ರೆಸ್ ಬೆಂಬಲಿಸಿ, ಸರಕಾರ ಅಧಿಕಾರಕ್ಕೆ ಬಂದರೆ ಈಗಾಗಲೇ ಘೋಷಣೆ ಮಾಡಿರುವ ಕಾಂಗ್ರೆಸ್ ಗ್ಯಾರಂಟಿ ಯೋಜನೆಗಳನ್ನ ಜಾರಿಗೆ ತರುವುದರಿಂದ ಬಡಜನರಿಗೆ ಕಾಂಗ್ರೆಸ್ ಸರಕಾರ ಅನುಕೂಲ ಮಾಡಲಿದೆ ಎಂದ ಅವರು ಬಳ್ಳಾರಿಯ ಸಮಗ್ರ ಅಭಿವೃದ್ಧಿ ಮತ್ತು ಬಡ ಜನರ ಬದುಕು ಹಸನಾಗಲು ನಾರಾ ಭರತ್ ರೆಡ್ಡಿಗೆ ತಮ್ಮ ಅಮೂಲ್ಯವಾದ ಮತ ನೀಡಿ ಗೆಲ್ಲಿಸಬೇಕಿದೆ ಎಂದು ಮತದಾರರಲ್ಲಿ ಮನವಿ ಮಾಡಿದರು.

ಕಾಂಗ್ರೆಸನ್ನು ಗೆಲ್ಲಿಸಿದರೆ ಬಳ್ಳಾರಿಯಲ್ಲಿ 50 ಸಾವಿರ ಉದ್ಯೋಗ ಸೃಷ್ಟಿಯಾಗಲಿದೆ. ಹಾಗಾಗಿ ಯುವ ನಾಯಕ ಬಳ್ಳಾರಿಯ ಭರವಸೆಯ ಯುವಕ ಸುಂದರ ಬಳ್ಳಾರಿಯ ಕನಸಿನೊಂದಿಗೆ ನಿಮ್ಮ ಮನೆಯ ಮಗ ನಿಮ್ಮ ಆಶೀರ್ವಾದ ಬಯಸಿದ್ದಾನೆ ಈ ಬಾರಿ ಯುವಕ ಭರತ್ ರೆಡ್ಡಿಗೆ ಆಶೀರ್ವಾದಿಸಿ ಬೆಂಬಲಿಸಿ ಎಂದು ಮತದಾರರಲ್ಲಿ ಮನವಿ ಮಾಡಿದರು.

ಈ ಸಂದರ್ಭದಲ್ಲಿ ಮುಖಂಡರಾದ ಅಭಿಲಾಶ್, ಬಾಸ್ಕರ್ ರೆಡ್ಡಿ, ಪ್ರತಾಪ್ ರೆಡ್ಡಿಯ ಆನೇಕ ಬೆಂಬಲಿಗರು ಉಪಸ್ಥಿತರಿದ್ದರು.